Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Вагид- CL вагинальные суппозитории № 3 шт

2489
Қолжетімділігі
Сатылымда бар
Үлгі
8906009230641
Елі
Индия
Өндіруші
Bliss GVS pharma Ltd
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

ВАГИД-CL

Саудалық атауы

Вагид-CL

Халықаралық патенттелмеген атауы

Жоқ

Дәрілік түрі

Қынаптық суппозиторийлер

Құрамы

1 суппозиторийдің құрамында

белсенді заттар: 100 мг клиндамицин (клиндамицин фосфаты түрінде)

200 мг клотримазол,

қосымша заттар: пропиленгликоль 1500, полиэтиленгликоль 6000,

метилпарагидроксибензоат, пропилпарагидроксибензоат, бутилгидрокситолуол.

Сипаттамасы

Пішіні оқ тәрізді, сыртқы түрі біртекті, тегіс, түсі ақ немесе ақ дерлік суппозиторийлер.

Фармакотерапиялық тобы

Гинекологиялық ауруларды емдеуге арналған антисептиктер және микробқа қарсы препараттар. Гинекологиялық ауруларды емдеуге арналған антистатиктер және микробқа қарсы препараттар (кортикостероидтармен біріктірілімдерді қоспағанда). Имидазол туындылары. Имидазол туындыларының біріктірілімдері.

АТХ коды G01AF20

Фармакологиялық қасиеттері

Фармакокинетикасы

Клотримазолды жергілікті қолданғанда қанға болымсыз мөлшері сіңеді. Клиндамицинді қынап ішіне қолдану кезінде жүйелі сіңірілуі 5% жуық болады.

Фармакодинамикасы

Микробқа қарсы, зеңге қарсы және протозойға қарсы әсері бар біріктірілген препарат.

Клотримазол - имидазол туындысы, жергілікті қолдануға арналған зеңге қарсы дәрі. Әсер ету механизмі зеңдер жасушалық жарғақшасының құрамдас бөлігі болып табылатын эргостерол синтезінің бұзылуына байланысты. Әсер ету ауқымы кең. Дерматофиттер, Candida albicans, Malassezia furfur; Corynebacterium minutissimum, Streptococcus spp., Staphylococcus spp., Trichomonas vaginalis қатысты белсенді.

Клиндамицин грамоң кокктар қатарына қатысты әсер ету ауқымы кең. Әсер ету механизмі рибосомальді жарғақшаның 50S суббірілігімен байланысуы мен микробтық жасушадағы ақуыз синтезін бәсеңдетуге негізделген. Емдік дозаларда бактериостатикалық, ал жоғары дозаларда – бактерицидті әсер етеді. Стафилококктар (соның ішінде пенициллиназа өндіретін St.epidermalis), стрептококктар (энтерококктарды қоспағанда), пневмококктар, анаэробты және аэробты грамоң коктар (пептококктар мен пептострептококктарды қоса), күл таяқшалары, газды гангрена мен сіреспе қоздырғыштары, микоплазмалар, бактероидтар (Bactеrioides fragillis пен Bactеrioides melaningenicus қоса),анаэробты грамтеріс бациллалар (Fusobacterium қоса), номицеттер мен клостридийлер, спора, бацилла түзбейтін анаэробты грамоңға (пропионибактериум, эубактериум және актиномицеттерді қоса) қатысты белсенді. Clostridium perfringens штаммдарының көпшілігі клиндамицинге сезімтал, дегенмен, клостридийлердің басқа түрлері (Clostridium sporogenes, Clostridium tertium) клиндамицин әсеріне төзімді болғандықтан клостридийлер туғызған инфекцияларда антибиотикограмманы анықтап алу керек. Клиникалық тұрғыда Mycoplasma pneumonia, Haemophilus influenza, Helicobacter pylori, Neisseria meningitides,Neisseria gonorrhoeae, Ureaplasma urealyticum қарсы тиімді емес. Клиндамицин және линкомицин арасында айқаспалы төзімділік бар.

Қолданылуы

- инфекциялық лейкореяда, қынаптық кандидозда, бактериялық вагинитте, трихомониазда, аралас инфекция мен спецификалық емес вагинитте.

Қолдану тәсілі және дозалары

Қынап ішіне. Суппозиторийді пішінді қаптамадан шығарып алады, жатқан күйде мүмкіндігінше қынапқа тереңдете енгізеді. Жедел вагиниттерде – 1 суппозиторийден тәулігіне 1 рет (кешке), 3 күн бойы.

Жағымсыз әсерлері

Болуы мүмкін

- аллергиялық реакциялар (терінің қышуы, күйдіру, шырышты қабықтың ісінуі және гиперемиясы, қынаптан бөлініс, вагинит)

Өте сирек (1% аз)

- вульвоқынаптық бұзылыстар, қынаптық ауыру, қынаптық кандидоз және зеңдік инфекциялар

- етеккір оралымының бұзылуы

- дизурия

- пиелонефрит

- іштің жалпы және жергілікті ауыруы

- температураның жоғарылауы

- бас ауыруы, қабырға астының ауыруы, жалпы дімкәстік

- жүрек айнуы, құсу, жалған колит, диарея, іш қатуы

- несеп шығарудың жиілеуі, интеркуррентті цистит

- естен тану, гипертензия, ентігу

Қолдануға болмайтын жағдайлар

  • препарат компоненттеріне аса жоғары сезімталдық
  • жүктіліктің I триместрі
  • лактация кезеңі

- 18 жасқа дейін (қыздығы бұзылмаған қыз балаларға).

- энтерит, ойық жаралы колит, антибиотиктер қабылдаумен байланысты колит (оның ішінде сыртартқыда)

Дәрілермен өзара әрекеттесуі

Препарат антикоагулянттардың әсерін күшейтеді. Дексаметазон жоғары дозаларда клотримазолдың зеңге қарсы әсерін бәсеңдетеді. Қабынуға қарсы стероидты емес дәрілер мен сульфаниламидтер препараттың әсерін үдетеді.

Клиндамициннің басқа да жүйке-бұлшықеттік бөгегіш дәрілік заттар әсерін күшейтетін жүйкелік-бөгегіш қасиеттері бар. Сондықтан, сақтықпен пайдаланған жөн.

Клотримазол латексті контрацептивтерді тиімділігін азайта отырып, зақымдануына әкелуі мүмкін. Пациенттер сақтанудың баламалы дәрілерін, тым болмаса, клотримазол пайдаланғаннан кейін бес күн бойы пайдаланғандары жөн.

Айрықша нұсқаулар

Емдеу кезінде алкоголь ішімдіктерін қолдануға болмайды.

Жыныстық инфекциялар қайталануын болдырмас үшін жыныстық қатынастардан аулақ болған және қорғану үшін мүшеқаптар пайдаланған жөн.

Жыныстық жұптасын инфекция симптомдарының байқалуына байланыссыз бір мезгілде емдеу қажет.

Егер пациентте мына симптомдардың қайсы бірі болса, препаратты қолданбаған жөн: қынаптан жүйесіз қан кету немесе қанды бөліністер, вульвалар немесе қынаптық ойық жаралар, сулы бөртпе немесе кішкене ойық жаралар, іштің төменгі бөлігі ауыруы немесе дизурия, емдеумен байланысты қызару, тітіркену немесе ісіну сияқты кез келген реакция, дене температурасының жоғарылауы немесе қалтырау, жүрек айну немесе құсу, диарея, қынаптан жағымсыз иіс болуы.

Жалған жарғақшалы колит диагнозы анықталғаннан кейін моноемдеуді жалған жарғақшалы колиттің жеңіл түрі жағдайында ғана бастауға болады. Клотримазолмен орташа және ауыр жағдайларда емдеу жалған жарғақшалы колит кезінде клиникалық тиімді бактерияға қарсы препаратпен қатар жүруі тиіс.

Аса жоғары сезімталдық белгілері немесе тері тітіркенуі пайда болған кезде емдеуді тоқтатады. Бауыр жеткіліксіздігі бар науқастарда бауырдың функционалдық жағдайын мезгіл-мезгіл бақылап отырған жөн.

Жүктілік және лактация кезеңі

Жүктіліктің II және III триместрінде препаратты пайда/қауіп арақатынасын ескере отырып, басқа әдістермен емдеу тиімсіз болғанда ғана тағайындайды. Емдеу кезеңінде бала емізуді тоқтату керек. Емшекпен қоректендіруді емдеу аяқталғаннан кейін 24-48 сағаттан соң жаңғыртуға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автокөлік жүргізу және механизмдерді басқару қабілетіне әсер етпейді.

Артық дозалануы

Препараттың артық дозалану жағдайлары туралы хабарланбаған.

Шығарылу түрі және қаптамасы

3 суппозиторийден поливинилхлоридті үлбірден жасалған пішінді ұяшықты қаптамаға салынған.

1 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 25˚С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«BLISS GVS PHARMA LTD», Үндістан.

10 Dewan Udyog Nagar, Aliyali, Palghar, Маharashtra - 401, 404, Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымныңмекенжайы:

«ҚазЕвроФарм» ЖШС

Алматы қ., Құрманғазы к-сі, 48 «а», 9 кеңсе

Индексі 050000

Телефон нөмірі (727) 2729871, 2615141

Факс нөмірі (727) 2614466

Электронды поштасы Info@kazeuropharm.com

Дәріханалар

Тауар артығымен бар
Тауар аз қалды
Аптека №117
улица Каршымбай Ахмедияров, 26а
09:00-23:00