Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
Резистол
Саудалық атауы
Резистол
Халықаралық патенттелмеген атауы
Жоқ
Дәрілік түрі
Ішуге арналған ерітінді
Құрамы
белсенді зат:
қосымша зат: глицерин (85 %) – 200 мг.
Сипаттамасы
Ашық-қоңырдан қызыл-қоңыр түске дейінгі сұйықтық. Сақтау үдерісінде шөгінділер пайда болуына және бұлыңғырлануына жол беріледі.
Фармакотерапиялық тобы
Респираторлық жүйе ауруларын емдеуге арналған препараттар. Жөтел және суық тию симптомдарын жоюға арналған препараттар.
АТХ коды R05.
Фармакологиялық қасиеттері
Фармакокинетикасы
Препарат белсенді зат ретінде қаралатынкөптеген компоненттердің кешенді қоспасы болып табылады. Препарат фармакокинетикасы туралы деректер жоқ.
Фармакодинамикасы
Резистол препаратының құрамында отаны Оңтүстік Африка болып табылатын пеларгония сидоид (Pelargonium sidoides) тамырынан алынған экстракт бар.
Экстрактті ішу арқылы қабылдаған кезде ауру белгілерінің азайғаны байқалған (инфекцияға байланысты болатын аурудың спецификалық емес симптомдары) және антиоксидантты қасиеттер көрініс бергені белгілі.
In vitro зерттеу барысында препараттың мынадай әсерлері байқалған:
спецификалық емес қорғаныш механизмдерінстимуляциялайды:
- кірпікшелі эпителий түктерінің тербеліс жиілігін стимуляциялайды
- интерферон синтезі мен қабынуға қарсы цитокиндер модуляциясы
- NK-жасушалары белсенділігін стимуляциялау
- фагоцитоз, адгезивті молекула экспрессиясы, хемотаксис стимуляциялануы
микробқа қарсы белсенділік:
- орташа тікелей бактерияға қарсы және вирусқа қарсы белсенділік;
- эпителий жасушаларына А тобы стрептококкта адгезиясының күшеюі/тежелуі
- ß-лактамаза белсенділігін тежейді
Цитопротективті қасиеттері:
- адамның лейкоцитарлық эластазасы белсенділігінің тежелуі
- антиоксидантты қасиеттері
Қолданылуы
Тыныс алу жолдары мен мұрын-жұтқыншақтың жедел және созылмалы инфекциялары (бронхит, синусит, тонзилярлы ангина, ринофарингит).
Қолдану тәсілі және дозалары
Ересектер: күніне 3 рет 30 тамшыдан.
12-ден 18 жасқа дейінгі балаларға: күніне 4 рет 22 тамшы.
6-дан 12 жасқа дейінгі балаларға: күніне 3 рет 20 тамшы.
1 жастан 6 жасқа дейінгі балаларға: күніне 3 рет 10 тамшы.
1 г ерітіндіде 20 тамшы бар. Ерітіндіні аздаған мөлшердегі сумен таңертең, күндіз және кешке қабылдаңыз.
Құтыны тігінен ұстап, қажет болса оның түбін аздап қағуға болады.
Емдеу курсы 7 – 10 күн. Ауру симптомдары басылғаннан кейін қайталануын болдырмас үшін емді Резистол препаратымен тағыда бірнеше күн бойы жалғастыру ұсынылады. Емнің орташа ұзақтығы 3 аптадан аспауы тиіс.
Егер бір аптаның ішінде жағдайы жақсара қоймаса, немесе егер бірнеше күн бойы жоғары температурасы кетпесе, бауыр функциясының бұзылу белгілері пайда болған жағдайда, сондай-ақ егер ентігу немесе қан аралас қақырық пайда болса, дереу дәрігерге қаралыңыз.
Балалар.
Емшек еметін жастағы балаларға препаратты қолдануға қатысты жеткілікті деректер болмауына байланысты Резистолды 1 жасқа дейінгі балаларға қолдануға болмайды. Резистол препаратын кіші жастағы балаларға (1-ден 6 жасқа дейін) дәрігердің бақылауымен қолдану ұсынылады.
Жағымсыз реакциялар
Ас қорыту жүйесі тарапынан:
жиі емес:
асқазан-ішек бұзылуы (оның ішінде асқазанның ауыруы, қыжыл, жүрек айнуы, диарея);
сирек: қызылиектің аздап қанауы
Тыныс алу жүйесі тарапынан:
сирек: мұрыннан аздап қан кетуі
Тері тарапынан/ иммундық жүйесі тарапынан:
сирек: аса жоғары сезімталдық реакциясы (оның ішінде бөртпе, есекжем, терінің және шырышты қабаттың қышынуы). Сирек жағдайларда беттің ісінуімен, ентігумен және артериялық қысымның төмендеуімен аса жоғары сезімталдықтың ауыр реакциялары болуы мүмкін.
Гепатобилиарлы жүйесі тарапынан: бауыр функциясы көрсеткіштерінің жоғарылауы. Бұлкөрсеткіштердің жоғарылауы мен препаратты қолданудың арасындағы себеп – салдарлық байланыс көрсетілген жоқ.
Қолдануға болмайтын жағдайлар
- препараттың қандай да бір ингредиентіне аса жоғары сезімталдық;
- қан кетуге бейімділік;
- қан ұюының үдерісін бәсеңдететін дәрілік заттармен бір мезгілде қабылдау;
- бауыр немесе бүйректің ауыр ауруларында (мұндай жағдайларда осы дәрілік затты қолдануда жеткілікті тәжірибенің жоқтығына байланысты);
- жүктілік және лактация кезеңі;
- 1 жасқа дейінгі балалар;
- алкоголизммен зардап шегетін адамдар;
- эпилепсия.
Дәрілермен өзара әрекеттесуі
Дәрілік өзара әрекеттесулер туралы хабарлар жоқ.
Қан ұйығыштығының параметріне Резистол препаратының әсер етуі мүмкіндігіне байланысты, кумарин туындыларымен немесе қанның ұюына кедергі келтіретінбасқа да препараттармен бір мезгілде қолдану кезінде олардың антикоагулянтты әсерін күшейту ықтималдылығын жоққа шығарылмайды.
Резистол препаратының пенициллин V ешқандай өзара әрекеттесуі анықталмаған.
Айрықша нұсқаулар
Резистол препаратында көлемі 12 % дейін этанол болады. Нұсқаулыққа сай препаратты қолданған кезде әр дозамен (10 – 20 – 22 –30 тамшы) шамамен 0,044 – 0,088 – 0,0968 – 0,132 г спирт қабылданады, бұл бауыр ауруы және церебральді аурулары бар пациенттердің, алкоголизммен ауыратын, эпилепсиясы бар науқастардың, жүкті, емшек емізетін әйелдердің және 1 жасқа дейінгі балалардың денсаулығына қауіп төндіруі мүмкін.
Сұйық өсімдік экстракттері ұзақ уақыт сақталғаннан кейін бұлыңғырлануға бейімділігімен сипатталады, алайда, бұл дәрілік заттың тиімділігіне еш әсер етпейді.
Резистол табиғиөнім болғандықтан, препараттың бұлыңғырлануы және түсі мен дәмінің аздап өзгеруі байқалуы мүмкін.
Жүктілік кезеңінде немесе емшек емізу кезінде қолдану
Жүкті және емшек емізетін әйелдерге Резистол препаратын қолдануда жеткілікті тәжірибенің жоқтығына байланысты жүктілік және емшек емізу кезеңінде қолдануға болмайды.
Көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Автокөлікті немесе басқа механизмдерді басқару кезінде препараттың реакция жылдамдығына әсері анықталған жоқ, бірақ препараттың құрамында көлемі 12 % дейін этанолдың барын ескеру қажет.
Артық дозалануы
Анықталмаған. Жағымсыз реакциялардың күшеюі мүмкін.
Шығарылу түрі және қаптамасы
Тығын-тамшылатқышпен жабылған және бірінші ашылуы бақыланатын тығындап-бұралатын қақпағы бар құтыларда 20 мл немесе 50 мл-ден. Құтыларға заттаңбаларды желімдейді.
1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.
Сақтау шарттары
Түпнұсқалық қаптамасында, 25 оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл.
Ашқаннан кейін 3 айдан асырмай сақтау керек.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз.
Өндіруші
«Галичфарм» ЖАҚ
Украина, 79024, Львов қ.,Опрышковская к-сі 6/8.
Тіркеу куәлігінің иесі
«Галичфарм» ЖАҚ
Қазақстан Республикасы аумағында тұтынушылардан өнімніңсапасына қатысты шағымдарды қабылдайтын ұйымның мекенжайы:
Қазақстан Республикасындағы «Артериум» корпорациясының өкілдігі
050060, Алматы қ., Әл-Фараби даңғылы, 97 үй, 3 подъезд,«54» кеңсе
Тел/факс: 8(727)315-82-09; 8(727)315-82-10;
Е-mail: Almaty@arterium.ua
Қазақстан Республикасы аумағында дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері
Қазақстан Республикасындағы «Артериум» корпорациясының өкілдігі
050060, Алматы қ., Әл-Фараби даңғылы, 97 үй, 3 подъезд,«54» кеңсе
Тел/факс: 8(727)315-82-09; 8(727)315-82-10;
Е-mail: Almaty@arterium.ua