Посиформин мазь глазная 2% 5 г.

Сипаттама

Дәрілік затты медициналық қолдану жөніндегі нұсқаулық

ПОСИФОРМИН^®

Саудалық атауы

Посиформин^®

Халықаралық патенттелмеген атауы

Биброкатол

Дәрілік түрі

Көзге арналған жақпамай, 2 %

Құрамы

1 г жақпамайдың құрамында

белсенді зат – 20 мг биброкатол,

қосымша заттар: ақ жұмсақ парафин, сұйық парафин, ланолин.

Сипаттамасы

Сары түстен сұр-сары түске дейінгі біртекті жақпамай (суспензия түрінде).

Фармакотерапиялық тобы

Сезім мүшелері. Офтальмологиялық препараттар. Микробқа қарсы препараттар. Микробқа қарсы басқа да препараттар. Биброкатол.

АТХ коды S01АХ05

Фармакологиялық қасиеттері

Фармакокинетикасы

Биброкатол мүлдем суда ерімейді, сондықтан ол іс-жүзінде көздің ішіне енбейді және көзішілік сұйықтыққа түспейді. Осының арқасында биброкатолды офтальмологияда қолдану спецификалық емес тітіркенуді және қабынуды жергілікті емдеумен, сондай-ақ көздің сыртқы қабығының жараларын емдеумен шектеледі.

Жергілікті офтальмологиялық қолданудан кейін биброкатолдың жүйелік сіңірілуі болмайды.

Биброкатол – бұл антисептикалық және тұтқыр қасиеттерге, сондай-ақ шырышты қабықтың және жараның секрециясын тежеу қабілетіне иеленген висмуттың қосылысы. Оның әсер ету механизмі тетрабромпирокатехинның және гидроксид висмутының фенолды туындысы бола отырып, биброкатолдың құрылымымен шартталған.

Шырышты қабықта және жарада биброкатол ақуыздардың шөгуін және тіндердің беткі қабаттарының тұтасуын туындатады. Бұл патогенді микроорганизмдердің енуінің алдын алатын қорғаныс қабатының пайда болуына әкеледі. Мұндай тұтқыр әсер қабыну мен секрецияның спецификалық емес тежелуін туындатады.

Қолданылуы

- инфекциялық емес генезді көздің сыртқы қабығының спецификалық емес тітіркенуінде, қабақ шеттерінің созылмалы қабынуында (созылмалы блефаритте), мөлдірқабықтың инфекция түспеген жаңа жараларында

Қолдану тәсілі және дозалары

Ұзындығы 0.5 см жақпамайдың жолағын конъюнктивальді қалтаға енгізеді немесе күніне 3-5 рет зақымданған қабаққа жағады. Ересектер мен 6- жастан асқан балаларға дозасы бірдей.

Препаратты симптомдар жоғалғанға дейін қолданған жөн. Әдетте емдеу ұзақтығы 14 күннен аспайды.

Жағымсыз әсерлері

- қышыну, гиперемия немесе көздің ісінуі, көздің ауыруы, беттің ісінуі, қанның бетке тебуі сияқты симптомдармен бірге жүретін аса жоғары сезімталдық реакциялары (аллергия) және көздің тітіркенуі

Қолдануға болмайтын жағдайлар

- әсер ететін затқа немесе препараттың кез-келген қосымша затына аса жоғары сезімталдықта

Дәрілермен өзара әрекеттесуі

Препараттың дәрілермен өзара әрекеттесуіне арнайы зерттеулер жүргізілген жоқ.

Препаратты басқа көзге арналған тамшымен немесе жақпамаймен бір мезгілде қолданған кезде жағу арасындағы уақыт аралығы кем дегенде 15 минут болуы тиіс. Посиформин^® ді ең соңында жағу керек.

Айрықша нұсқаулар

Қосымша зат ланолин жергілікті тері реакцияларын (мысалы, жанаспалы дерматит) туындатуы мүмкін.

Препаратпен емделу кезінде жанаспалы линзаларды пайдалануға болмайды. Көзге арналған жақпамайды жаққан кезде сықпа ұштығының көзбен немесе терімен жанасуын болдырмау керек.

Жүктілік және лактация

Биброкатол препараттарын жүктілік немесе емшек емізу кезінде қолдану туралы клиникалық деректер болмағандықтан, бұл кезеңде Посиформин^® көзге арналған жақпамайын мұндай қолданудың пайдасы мен қаупінің арақатынасын мұқият бағалағаннан кейін ғана тағайындауға болады.

Консистенциясының майлы болу себебінен препаратты қолданғаннан кейін уақытша көру өткірлігіне және осылайша автокөлікті басқарған немесе механизмдермен жұмыс істеген кезде әсер етуі мүмкін.

Артық дозалануы

Препаратты жергілікті қолданғаннан кейін биброкатолдың көздің ішкі камерасына биологиялық жарғақша арқылы ену деңгейі төмен болғандықтан жүйелік жағымсыз реакциялардың дамуы күтілмейді.

Шығарылу түрі және қаптамасы

5 г көзге арналған жақпамай лакталған ішкі қорғаныс жабындысы бар, ұштықпен және қақпақшамен (полиэтилен) жабдықталған алюминий сықпаларға салынған.

1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Сықпаны алғаш ашқаннан кейін сақтау мерзімі – 4 апта.

Дәріханалардан босатылу шарттары

Рецептісіз

Өндіруші

УРСАФАРМ Арцнаймиттель ГмбХ (URSAPHARM Arzneimittel GmbH), Индустриештрассе 35, 66129 Саарбрюкен, Германия (Industriestrasse 35, 66129 Saarbrucken, Germany)

Тіркеу куәлігінің ұстаушысы

УРСАФАРМ Арцнаймиттель ГмбХ, Саарбрюкен, Германия / URSAPHARM Arzneimittel GmbH, Saarbrucken, Germany

Қазақстан Республикасы аумағында тұтынушылардан дәрілік заттың сапасына қатысты шағымдар (ұсыныстар) қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Nova East Pharm Kazakhstan (Нова Ист Фарм Қазақстан)» ЖШС

Қазақстан Республикасы, 050000 Алматы қ., Панфилов к-сі, 98 үй, 507 кеңсе

Телефон: +7 (727) 221 90 91

E-mail: office@eastpharm.eu

Қалалар