Лактофильтрум 50 мг № 60 табл

Сипаттама

Дәрілік препаратты медициналық қолдану

бойынша нұсқаулық (Қосымша парақ)

Саудалық атауы

Лактофильтрум

Халықаралық патенттелмеген атауы

Жоқ

Дәрілік түрі, дозалануы

Таблеткалар

Фармакотерапиялық тобы

Асқорыту жүйесі мен зат алмасу. Іш өтуге қарсы, ішектік қабынуды басатын/микробқа қарсы препарат. Ішектік адсорбент. Басқа да ішек адсорбенттері.

АТХ коды: A07BC

Қолданылуы

Лактофильтрум дәрілік препараты ересектерге, жасөспірімдер мен 1 жастан асқан балаларға қолдануға көрсетілген.

− ішек микрофлорасының бұзылыстары (ішек дисбактериозы), сонымен бірге антибиотиктермен емделудің нәтижесінде

Кешенді терапия құрамында:

− тітіркенген ішек синдромы

− гепатит пен бауыр циррозы

− аллергиялық аурулар (атопиялық дерматит, есекжем)

− бактериялық вагиноз (қынап дисбиозы)

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

− препараттардың компоненттеріне жеке түрдегі төзе алмаушылық

− ішектің тарылуы

− асқазан-ішектің қансырауы

− галактоземия

− асқазан мен 12 елі ішектің жара ауруының асқынуы

− ішектің әлсіреуі

Қолдану кезіндегі қажетті сақтандыру шаралары

Лактофильтрум дәрілік препаратын қолдану кезінде ерекше абайлылық шаралары қажет етілмейді.

Басқа дәрілік препараттармен өзара әрекеттесуі

Кейбір қатар түрде ішке қабылданып отырған препараттардың емдік әсері төмендеуі мүмкін.

Арнайы сақтандырулар

Препаратты кешенді терапия кезінде басқа дәрілік препараттармен оларды бөлек түрде қабылдау ережелерін ұстанумен қабылдауға болады.

Егде жастағы пациенттер

Лактофильтрум дәрілік препаратының жүйелік әсері жоқ, себебі ауыз арқылы қабылданғаннан кейін ол асқазан-ішек жолына сіңбейді, сол себепті егде жастағы пациенттер үшін ерекше қауіпті болуы мүмкін жағымсыз реакциялардың (мысалы, бас айналу немесе орталық жүйке жүйесіне әсер ету) туындау тәуекелінің ықтималдығы төмен. Дәрілік препараттардың қауіпсіздік профилін түрлендіруі мүмкін бір мезгілде әсер ететін көптеген ілеспе патология мен көп компоненттік дәрілік терапияның орын алуының жүйелік әсердің болмауын ескерсек, жағымсыз реакциялардың туындау тәуекеліне әсер етуінің ықтималдығы төмен.

Бауыр қызметінің жеткіліксіздігі бар пациенттер

Лактофильтрум дәрілік препаратының жүйелік әсері жоқ, себебі ауыз арқылы қабылданғаннан кейін ол асқазан-ішек жолына сіңбейді, сол себепті бауыр қызметі бұзылған пациенттер үшін ерекше қауіпті болуы мүмкін жағымсыз реакциялардың туындау тәуекелінің ықтималдығы төмен.

Бүйрек қызметінің жеткіліксіздігі бар пациенттер

Лактофильтрум дәрілік препаратының жүйелік әсері жоқ, себебі ауыз арқылы қабылданғаннан кейін ол асқазан-ішек жолына сіңбейді, сол себептен бүйрек қызметі бұзылған пациенттер үшін ерекше қауіпті болып отыруы мүмкін жағымсыз реакциялардың туындау тәуекелінің ықтималдығы төмен.

Педиатрияда қолдану

Лактофильтрум дәрілік препараты 1 жастан асқан балалар мен жасөспірімдерге арнап қолдануға рұқсат етілген.

Жүктілік немесе лактация кезінде

Препаратты жүктілік немесе емшекпен бала емізу кезінде қолдануға қатысты деректер жоқ.

Дәрілік заттың көлік құралын және қауіптілігі зор механизмдердібасқару қабілетіне әсер ету ерекшеліктері

Препарат көлік құралдарын және/немесе басқа механизмдерді басқару қабілетіне жағымсыз әсерін тигізбейді.

Қолдану жөніндегі нұсқаулар

Дозалану режимі

Ішектің дисбактериозы кезінде:

− ересектер мен 12 жастан асқан балалар – күніне 3 рет 2−3 таблеткадан

− 8 және 12 жас аралығындағы балалар − күніне 3 рет 1−2 таблеткадан

− 3 және 7 жас аралығындағы балалар − күніне 3 рет 1 таблеткадан

− 1 және 3 жас аралығындағы балалар − күніне 3 рет 1/2 таблеткадан

Бактериялы вагиноз (қынаптың дисбиозы) кезінде:

Күніне 3 рет 2 таблеткадан.

Енгізу әдісі мен жолы

Ішке. Тамақтану мен басқа дәрілік заттарды қолданар алдында 1 сағат бұрын, кажеті болса ұнтақтап сумен ішу.

Қабылдау уақыты көрсетілген қолдану жиілігі

Ересектерге және бір жастан асқан балаларға тамаққа дейін және басқа дәрілік заттарды қабылдауға дейін бір сағат бұрын, Лактофильтрум дәрілік препаратын қабылдау саны – күніне 3 рет.

Емдеу ұзақтығы

Емдеу курсының орташа ұзақтығы − 2−3 апта.

Препаратты ұзақ мерзімді қолдану және қайталап емдеу курстары тек дәрігердің ұсынымы бойынша жүргізілуі тиіс.

Артық дозалану жағдайында қабылдау қажет болатын шаралар

Белгілер: іш қату, іштің ауыруы.

Емдеу: Лактофильтрум дәрілік препаратын қабылдауды тоқтату.

Дәрілік препараттың бір немесе бірнеше дозасын жіберіп алғанда қажетті шаралар

Лактофильтрум дәрілік препаратының бір немесе бірнеше дозасын ішпей өткізіп алған жағдайда ішілмей қалған дозасының орнын толтыру үшін препараттың екі есе дозасын қабылдамаған жөн.

Препаратты қолдану бойынша қосымша сұрақтар туындаған жағдайда пациентке емдеуші дәрігермен кеңесу қажет.

Тоқтату симптомдарының қаупінің болуы туралы нұсқау

Лактофильтрум дәрілік препаратын қабылдау тоқтатылғаннан кейін препаратты қабылдауды тоқтатудың қандай да бір белгілерінің туындау ықтималдығы жоқ.

Дәрілік препаратты қолдану тәсілін түсіндіруі үшін медицина қызметкерінің кеңесіне жүгіну бойынша ұсыныстар

Лактофильтрум дәрілік препаратын қабылдау әдісі бойынша ұсынымдар қосымша парақшаның «Қолдану бойынша ұсынымдар» бөлімінде толығырақ суреттелген.

Дәрілік препаратты қолдану тәсілі бойынша қосымша сұрақтар бар болса, емдеуші дәрігердің көмегіне жүгіну қажет.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректердің негізінде бағалау мүмкін емес).

Сирек

− метеоризм, диарея

Жиілігі белгісіз

−аллергиялық реакциялар (бөртпе, есекжем)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында:

белсенді заттар: гидролизді лигнин (құрғақ затқа шаққанда), 355.0 мг, лактулоза (100% затқа шаққанда), 120.0 мг.

қосымша заттар: натрий кроскармеллозасы, магний стеараты, микрокристалды целлюлоза.

Сыртқы түрінің, иісінің, дәмінің сипаттамасы

Ақ-сұр түсті теңбілдері бар, қою қоңыр түсті, сызығы бар екі жағы дөңес капсула пішінді таблеткалар.

Шығарылу түрі және қаптамасы

15 таблеткадан поливинилхлорид үлбірден және баспалы лакталған алюминий фольгадан пішінді ұяшықты қаптамаға салады.

2 немесе 4 пішінді ұяшықты қаптамадан қазақ және орыс тілдеріндегі қолдану жөніндегі нұсқаулықпен бірге картон қорапшаға салады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Сақтау шарттары

Ылғал және жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«АВВА РУС» АҚ, Ресей

610044, Киров обл., Киров қ-сы, Луганская к-сі, 53А үй

Тел.: +7 (8332) 25-12-29; + 7 (495) 956-75-54

avva.com.ru

lactofiltrum.kz

Тіркеу куәлігінің ұстаушысы

«АВВА РУС» АҚ, Ресей

121614, Мәскеу қ., Крылатские Холмы к-сі, 30 үй, 9 корп.

Тел.:+7 (495) 956-75-54

info@avva-rus.ru

avva.com.ru

lactofiltrum.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын жәнедәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«AVVA Kazakhstan» ЖШС, Қазақстан Республикасы

050008, Алматы қ., Алмалы ауданы, Абай даңғылы, 109В үй, т.е. 501

Тел.: +7 (727) 355-11-27

drug.safety@avva-rus.ru

Дәріханалар

Қалалар