Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (қосымша парақ)
Саудалық атауы
Ксимелин® Эко ментолмен
Халықаралық патенттелмеген атауы
Ксилометазолин
Дәрілік түрі, дозалануы
Мұрынға арналған дозаланған спрей, 0.1%
Фармакотерапиялық тобы
Респираторлық жүйе. Мұрынға арналған препараттар. Жергілікті қолдануға арналған деконгестанттар және мұрынға арналған басқа препараттар. Симпатомиметиктер, қарапайымдар. Ксилометазолин.
АТХ коды R01AА07
Қолданылуы
- мұрынның бітелуін, жыл бойғы және аллергиялық ринитті (пішен қызбасын қоса), синуситті симптоматикалық емдеу.
- мұрын қуысының риноскопиясы кезінде диагностикалық мақсатта
Қолданудың басталуына дейінгі қажетті мәліметтер тізбесі
Қолдануға болмайтын жағдайлар
Қолдану кезінде қажетті сақтық шаралары
Емдеу ұзақтығы 7 күннен аспауы тиіс, себебі препаратты ұзақ және жиі қолдану мұрынның шырышты қабығының ісінуін және жасушалардың жоғары сезімталдығынан туындаған гиперсекрецияны ("тоқтату әсері") туындатуы мүмкін.
Көрсетілген дозасынан асырмаңыз.
Препаратты егер препараттың кез келген компоненттеріне сезімталдық бар болса немесе жақында өткерген нейрохирургиядан кейін қолдануға болмайды.
Мұрын жолдары сезімтал кейбір пациенттер препаратты қолданған кездежергілікті жайсыздықты сезінуі мүмкін.
Препаратты ауру жұқтырудың алдын алу үшін бір адам ғана пайдалануы керек. Гигиеналық себептермен препаратты ашқаннан кейін 28 күннен артық пайдаланбаңыз.
Егер ауру симптомдары нашарласа немесе науқастың жағдайы жақсармаса, дәрігермен кеңесу қажет.
Басқа дәрілікпрепараттармен өзара әрекеттесуі
Моноаминоксидаза тежегіштерімен бір мезгілде қолдану артериялық қысымның едәуір жоғарылауына әкелуі мүмкін.
Симпатомиметикалық препараттар катехоламиндердің босап шығуын тудырады, бұл өз кезегінде, тамыр тарылтушы әсері бар норадреналиннің қарқынды босап шығуына әкеледі, соның нәтижесінде артериялық қысым көтеріледі. Артериялық қысымның қауіпті түрде жоғарылауы кезінде Ксимелин® Эко ментолмен емдеуді тоқтату және симптоматикалық ем тағайындау керек.
Үш және тетрациклді антидепрессанттармен және моноаминоксидаза (МАО) тежегіштерімен бір мезгілде қабылдау ксилометазолиннің симпатомиметикалық әсерін күшейтуі мүмкін. Сондықтан Ксимелин® Эко ментолмен үш - және тетрациклді антидепрессанттары мен моноаминоксидаза тежегіштерімен (МАО) тағайындау ұсынылмайды.
Арнайы сақтандырулар
Педиатрияда қолданылуы
Препаратты нәрестелерге немесе 12 жасқа дейінгі балаларға тағайындау ұсынылмайды.
Жүктілік немесе лактация кезінде
Ксилометазолинді болуы мүмкін жүйелік қантамыр тарылтатын әсерінебайланысты жүктілік кезінде қолдануға болмайды.
Ксилометазолиннің емшек сүтімен бөлінетіні белгісіз, сондықтан емшекпен емізу кезінде Ксимелин® Эко ментолмен препаратын тек дәрігердің тағайындауымен ғана қолданған жөн.
Басқа жағдайлар
Ксилометазолинді ұйқының бұзылуы, бастың айналуы, тремор, жүрек аритмиясы немесе артериялық қысымның көтерілуі түрінде реакциялар туындауы мүмкін адренергиялық препараттарға сезімтал адамдарға сақтықпен тағайындау керек.
Ксилометазолинді сақтықпен пайдалану керек және гипертиреозы, қант диабеті, артериялық гипертензиясы, атеросклерозы, аневризмасы, жүректің ишемиялық ауруы, аритмиясы және тахикардиясы бар пациенттерге, простата ұлғаюы себепті несеп шығару проблемалары бар, артериялық қысымды көтеретін, сондай-ақ феохромоцитоманы арттыратын МАО тежегіштері мен басқа да дәрілік заттарды қабылдаған пациенттерге дәрігердің кеңесінен кейін ғана қолданған жөн.
Ксилометазолинді қолданған кезде QT аралығыныңұзару синдромы бар науқастар қарыншалықкүрделі аритмиялардың жоғары қаупінеұшырауы мүмкін.
Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Ксимелин® Эко ментолмен препараты көлік құралдарын және қауіптілігі зор механизмдерді басқару қабілетіне әсер етпейді.
Қолдану жөніндегі нұсқаулар
Дозалану режимі
Ересектер және 12 жастан асқан балалар үшін:
Әр мұрын жолына 1 бүркуден; тәулігіне 3 реттен көп қолдануға болмайды.
Енгізу әдісі және жолы
Жергілікті қолдануға арналған.
Қолданар алдында мұрын жолдарын тазалау қажет.
Помпаны бірінші рет қолданар алдында сұйықтық бірқалыпты болыпшыққанша,спрейді бірнеше рет басып тарту керек.
Препаратты енгізу кезінде құтыны тік күйде ұстау керек
Қабылдау уақытын көрсетумен қолдану жиілігі
Тәулігіне 3 реттен көп қолдануға болмайды.
Емдеу ұзақтығы
Препарат 7 күннен артық қолданылмайды.
Артық дозалану жағдайында қабылдау қажет болатын шаралар
Ксилометазолинменартық дозалану шамадан тыс дозасын жергілікті енгізгенденемесе кездейсоқ ішке қабылдағанда болуы мүмкін.
Симптомдары: қатты бас айналуы, күшейтілген және бірқалыпты емес пульс, артериялық қысымның жоғарылауы, естен тану. Артериялық қысымның артуынан кейін оның күрт төмендеуі байқалуы мүмкін.
Емі: кез келген артық дозалануына күдік болғанда тиісті демеуші шаралар қолданылуы тиіс, кейбір жағдайларда дәрігердің бақылауымен шұғылсимптоматикалық ем көрсетіледі.
Жүрек тоқтауымен бірге ауыр улану жағдайындареанимациялық әрекеттер кемінде 1 сағат жалғасуы тиіс.
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар
Препаратты әрдайым осы қосымша параққа және емдеуші дәрігердің немесе дәріхана қызметкерінің ұсыныстарына сәйкес қолданыңыз. Күмән болған жағдайда емдеуші дәрігермен немесе дәріхана қызметкерімен кеңесіңіз.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥1/10), жиі (≥1/100-нан < 1/10 дейін), жиі емес (≥1/1000-нан < 1/100 дейін), сирек (≥1/10000-нан < 1/1000 дейін), өте сирек (<1/10000), белгісіз (қолда бар деректер негізінде бағалау мүмкін емес)
Жиі: мұрын шырышты қабығының ашуы, тітіркенуі және/немесе құрғақтығының өтпелі сезімі, түшкіру, мұрын-жұтқыншақ шырышты қабығының гиперсекрециясы
Сирек: жүрек айнуы, құсу
Өте сирек: жүйелі аллергиялық реакциялар, бас ауруы, көру қабілетінің өткірлігінің өтпелі бұзылуы
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препарат құрамы
1 мл препараттың құрамында
белсенді зат: 1.0 мг ксилометазолин гидрохлориді
қосымша заттар: сорбитол, макроголглицеролгидроксистеарат, левоментол, цинеол (эвкалиптол), натрийхлориді, динатрий гидрофосфаты дигидраты, натрий дигидрофосфаты дигидраты, динатрий эдетаты, тазартылған су.
Сыртқы түрінің, иісінің, дәмінің сипаттамасы
Көрінетін кристалдарсыз, ментол иісі бар мөлдір немесе сәл мөлдір, түссіз немесе сәл боялған сұйықтық.
Шығарылу түрі және қаптамасы
10 мл препараттан (кемінде 60 доза), ұштығы бар дозалайтын помпалыққұрылғымен жабдықталған және полиэтиленнен жасалған қорғаныш қалпақшасы бар пластик құтыда.
1 құтыны медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салады.
Сақтау мерзімі
2.5 жыл
Жарамдылық мерзімі өткеннен кейін қолдануға болмайды!
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
Такеда ГмбХ,
Роберт-Бош-Штрассе 8, 78224 Зинген, Германия
Takeda GmbH,
Robert-Bosch-Strasse 8, 78224 Singen, Germany
Тіркеу куәлігінің ұстаушысы
ШТАДА Арцнаймиттель АГ
Штадаштрассе 2-18
D-61118 Бад Вилбель, Германия
телефон: + 49 6101 603-0
телефакс: + 49 6101 603-259
электронды пошта: info@stada.de
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«ДО «Нижфарм-Казахстан» ЖШС
050011, Қазақстан Республикасы,
Алматы қ., Сүйінбай д-лы, 258В үй
тел.: (727) 2222-100
факс: (727) 398-64-95
e-mail: almaty@stada.kz