Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
Кандекор®
Саудалық атауы
Кандекор®
Халықаралық патенттелмеген атауы
Кандесартан
Дәрілік түрі
Таблеткалар, 8 мг,16 мг,32 мг
Құрамы
Бір таблетканың құрамында
белсенді зат: 8 мг, 16 мг немесе 32 мг кандесартан цилексетилі,
қосымша заттар: лактоза моногидраты, жүгері крахмалы, гидроксипропилцеллюлоза, макрогол8000, кальций кармеллозасы,темірдің қызыл тотығы (Е172), магний стеараты
Сипаттамасы
Дөңгелек пішінді, сәл қызғылт түсті, екі жақ беті сәл дөңес, бір жақ бетінде сызығы бар және жиегі қиғашталған таблеткалар.
Фармакотерапиялық тобы
Жүрек-қантамыр жүйесі ауруларын емдеуге арналған препараттар. Ренин-ангиотензин жүйесіне әсер ететін препараттар. Ангиотензин ІІ антагонистері. Кандесартан
АТХ коды С09СА06
Фармакологиялық қасиеттері
Фармакокинетикасы
Кандесартан цилексетилі
Ішке қабылдағаннан кейін кандесартан цилексетилі белсенді зат кандесартанға айналады. Ішке қабылдағаннан кейін кандесартан таблеткасының биожетімділігі 14% құрайды. Сарысуда орташа ең жоғары концентрацияға (Cmax) таблетканы қабылдағаннан кейін 3 - 4 сағаттан соң жетеді. Қан сарысуындағы канденсартан концентрациясы дозалардың емдік аралығында дозаларды арттырумен байланысты өседі. Қан сарысуындағы кандесартанның фармакокинетикалық қисығы астындағы аудан (AUC) тамақ ішуге байланысты емес. Кандерсантанның фармакокинетикасында гендерлік айырмашылықтар байқалмайды.
Кандесартан плазма ақуыздарымен (99%-дан астам) тез байланысады. Кандесартанның болжамды таралу көлемі 0,1 л/кг құрайды.
Кандесартан, негізінен, организмнен несеппен және өтпен бірге өзгермеген күйінде тек аздаған дәрежеде бауырлық метаболизм (CYP2C9) арқылы шығарылады. Канденсартанның жартылай шығарылу кезеңі (Т½) 9 сағатқа жуықты құрайды.Препараттың организмде жиналып қалуы байқалған жоқ.
Кандесартанның қандағы жалпы клиренсі 0.37 мл/мин/кг жуықты, бүйрек клиренсі 0,19 мл/мин/кг жуықты құрайды. Кандесартан бүйрек арқылы, шумақтық сүзілу және белсенді өзекшелік сөлініс жолымен шығарылады. Кандесартан цилексетилін қабылдағаннан кейін несеппен бірге өзгермеген күйінде дозаның шамамен 26%-ы және белсенділігі төмен метаболитінің 7%-ышығарылады, ол уақытта нәжіспен бірге дозаның 56%-ы өзгермеген күйінде және 10%-ы белсенділігі төмендеген метаболиттер түрінде шығарылады.
Егде жастағы (65 жастан асқан) адамдарда, жас пациенттермен салыстырғанда, кандесартанның Cmax және AUC, тиісінше, шамамен 50%-ға және 80%-ға артады.Дегенмен, Кандекордың енгізілген дозасынан кейін артериялық қысым реакциясы және жағымсыз әсерлер жиілігі жас және егде жастағы пациенттерде бірдей болады.
Дозаны қайталағанда жеңіл және орташа дәрежедегі бүйрек жеткіліксіздігі бар пациенттерде кандесартанның Cmax және AUC, тиісінше, шамамен 50%-ға және 70%-ға артады, бірақ жартылай шығарылу кезеңі (Т ½), бүйрек функциясы қалыпты пациенттермен салыстырғанда, өзгермейді. Ауыр дәрежедегі бүйрек жеткіліксіздігі бар пациенттерде тиісті өзгерулер, шамамен 50% және 110% құрайды. Ауыр дәрежедегі бүйрек жеткіліксіздігі бар пациенттерде кандесартанның терминальді жартылай шығарылу кезеңі (Т ½) екі еселенді. Гемодиализде жүрген пациенттердегіфармакокинетикасы ауыр дәрежедегі бүйрек жеткіліксіздігі бар пациенттердегідей күйінде қалады. Жеңіл және орташа дәрежедегі бауыр жеткіліксіздігі бар пациенттерде кандесартанның орташаAUCмәні шамамен 23%-ға артады.
Фармакодинамикаcы
Ангиотензин ІІ ренин-ангиотензин-альдостерон жүйесінің негізгі вазобелсенді гормоны болып табылады және артериялық гипертензия патогенезінде және жүрек-қантамырдың басқа да ауруларында белгілі бір рөлді атқарады. Ол сондай-ақ гипертрофия және аяқ-қолдардың зақымдану патогенезінде маңызды рөл атқарады. Ангиотензиннің ІІ негізгі физиологиялық әсерлері: қантамырлардың тарылуы, альдостерондық стимуляция, тұз бен су гомеостазасының реттелуі және жасушаның өсуін стимуляциялау сияқтылар, олар 1 типті AT1 рецептор арқылы беріледі.
Кандекор® ізашар дәрі болып табылады, асқазан-ішек жолынан сіңген кезде ол эфирдің гидролизі нәтижесінде белсенді зат кандесартанға тез айналады. Кандекор® мықты байланысатын және рецептордан баяу диссоциацияланатын ангиотензин ІІ рецепторының, AT1 рецепторының іріктелген антагонисі болып табылады. Оның рецепторға ұқсастығы жоқ. Кандекор® ангиотензин І-ді ангиотензин ІІ-ге айналдыратын және брадикининді бұзатын ангиотензинді конвертациялаушы ферментті (АКФ) тежемейді.
Кандекор®гормондардың басқа рецепторларымен немесе жүрек-қантамыр жүйесін реттеуде маңызды рөл атқаратын иондық өзекшелермен байланыспайды және бөгемейді. Ангиотензин ІІ рецепторларының (AT1) антагонизмі плазмада ренин деңгейінің, ангиотензин І және ангиотензин ІІ деңгейінің дозаға байланысты артуына және плазмада альдостерон концентрациясының төмендеуіне әкеледі.
Гипертензияда, Кандекор® артериялық қысымның дозаға байланысты, ұзақ уақыт төмендеуін тудырады. Гипертензияға қарсы әсері, жүректің жиырылу жиілігін рефлекторлы түрде арттырмай, жүйелі шеткері кедергінің төмендеуіне байланысты. Бастапқы дозада гипотензияның күрделі немесе алдын ала ұлғаю жағдайларының немесе емдеуді аяқтағаннан кейін кері әсерлік белгілері байқалған жоқ.
Кандекордың бір реттік дозасын қабылдағаннан кейін гипертензияға қарсы әсері 2 сағат ішінде байқалады. Үздіксіз емдегенде, кез келген дозаны қабылдағанда артериялық қысымның төмендеу жағдайларының көпшілігі, әдеттегідей, төрт апта ішінде жетеді және ұзақ емделгенде сақталады. Дозаны күніне бір рет 16 мг-ден 32 мг дейін арттырудың орташа аддитивті әсері мардымсыз. Адамдардағы жекелей аралық өзгерулерді ескеретін болсақ, кейбір пациенттерде орташа әсерден де көбіректі күтуге болады. Кандекорды тәулігіне 1 рет қабылдау артериялық қысымның 24 сағат ішінде тиімді және бір қалыпты төмендеуін қамтамасыз етеді, дозалау аралығындағы ең жоғары және қалдық әсер арасындағы айырмашылық үлкен емес.
Кандесартанның тиімділігі пациенттердің жасына және жынысына қарамай-ақ бірдей.
Кандесартан цилексетилі бүйректік қан ағысын арттырады және оған ықпалын тигізбейді, немесе бүйрек қанамырларының кедергісі төмендегенде және сүзілу фракциясында шумақтық сүзілу жылдамдығын арттырады. Артериялық гипертензиясы бар, 2 типті қант диабеті қатарласқан және микроальбуминуриясы бар пациенттердекандесартан цилексетилімен гипертензияға қарсы ем жүргізу альбуминнің несеппен бірге шығарылуын азайтады. Қазіргі таңда кандесартанның диабеттік нефропатияның өршуіне ықпалы жөнінде деректер жоқ. Артериялық гипертензиясы, екінші типті қант диабеті бар пациенттерде8 мг - 16 мг кандесартан цилексетилмен 12 апта емдеу қандағы глюкоза деңгейіне және липидтік бейінге жағымсыз әсерін тигізбейді.
Жүрек жеткіліксіздігі
ЖСЖ бар және сол жақ қарыншаның систолалық қызметі (сол жақ қарыншадан қан айдау фракциясы ≤ 40%) төмендеген науқастарда, кандесартан жүйелі қантамырлар кедергісін және өкпе артерияларының капиллярларында сыналану қысымын төмендетеді, қан плазмасында рениннің белсенділігін және ангиотензин ІІ концентрациясын арттырады, сондай-ақ альдостерон деңгейін төмендетеді.
Қолданылуы
- ересектердегі артериялық гипертензияда
- 6-дан 18 жасқа дейінгі балалар мен жасөспірімдерде гипертонияны емдеуде
- АКФ тежегіштеріне қосымша ем ретінде немесе олар жақпаған кезде созылмалы жүрек жеткіліксіздігінде және сол жақ қарыншаның систолалық функциясы бұзылғанда (сол жақ қарыншадан қан айдау фракциясы ≤ 40%)
Қолдану тәсілі және дозалары
Кандекорды тамақ ішуге байланыссыз, күніне бір рет қабылдаған жөн.
Артериялық гипертензия
Ұсынылатын бастапқы доза және әдеттегі демеуші доза – тәулігіне бір рет 8 мг. Доза тәулігіне 16 мг-ге дейін арттырылуы мүмкін. Егер артериялық қысым тәулігіне 16 мг-мен 4 апталық емдеуден кейін жеткіліксіз бақыланса, дозаны тәулігіне ең жоғары 32 мг дозаға дейін арттыруға болады. Егер осы дозаны қолданған кезде артериялық қысымды бақылауға қол жеткізілмесе, баламалы әдістерді қарастырған жөн.
Ем артериялық қысым реакциясына сай таңдалуы тиіс. Гипертензияға қарсы әсерлердің көбіне емдеуді бастағаннан кейін 4 апта ішінде қол жетеді.
Егер Кандекормен емдеу артериялық қысымның тиімді төмендеуіне әкелмеген жағдайда, пациентті Кандекордың біріктірілген түріне (кандесартан/гидрохлоротиазид) ауыстыру керек.
Егде жастағы пациенттердедозаны түзетудің қажеті жоқ.
Интраваскулярлы көлемі нашарлаған пациенттердеұсынылатын бастапқы доза 4 мг.
Бүйрек функциясы бұзылған пациенттерде, гемодиализдегі пациенттердіқоса есептегенде,ұсынылатын бастапқы доза 4 мг құрайды. Доза жауап реакциясына сай таңдалуы тиіс. Бүйректің өте ауыр немесе терминальді сатысындағы жеткіліксіздігі бар (креатинин клиренсі <15 мл/мин) пациенттердеқолдану тәжірибесі шектеулі.
Жеңіл және орташа дәрежедегі бауыр жеткіліксіздігі бар пациенттер үшін ұсынылатын бастапқы доза күніне бір рет 2 мг құрайды. Дозаны жауап реакциясына сай таңдауға болады. Ауыр дәрежедегі бауыр жеткіліксіздігі бар пациенттергеқолдану тәжірибесі жоқ.
Созылмалы жүрек жеткіліксіздігі
Кандекордың әдеттегі ұсынылатын дозасы тәулігіне бір рет 4 мг құрайды. Жоспарланған 32 мг дозаға дейін немесе дозаны екі еселеу жолымен ең жоғары дозаға дейін арттыру кем дегенде 2 апта аралықпен жүргізіледі.
Егде жастағы пациенттернемесе интраваскулярлы көлемі төмендеген, бүйрек функциясы бұзылған немесе бауыр жеткіліксіздігі жеңіл орташа дәрежедегі пациенттер үшін бастапқы дозаны таңдаудың қажеті жоқ.
Кандекорды жүрек жеткіліксіздігін кешенді емдеуге, АКФ тежегіштерін, бета-блокаторларды, диуретиктерді, оймақгүл препараттарын немесе осы дәрілік заттардың біріктірілімін қоса есептегенде, қолдануға болады.
Жағымсыз әсерлері
Артериялық гипертензияны емдегенде:
жиі (³1/100 – <1/10 дейін)
өте сирек: (< 1/10,000):
-жөтел
-жүрек айну
-ангиодистрофия, бөртпе, есекжем, қышыну
-арқаның ауыруы, артралгия, миалгия
-бүйрек жеткіліксіздігі, соған бейім пациенттердегі бүйрек жеткіліксіздігін қоса
Ренин-ангиотензин-альдостерон жүйесінің басқа тежегіштерімен бірге гемоглобин деңгейінің аздап төмендегені байқалды.
Жүрек жеткіліксіздігін емдегенде:
жиі (³1/100 – <1/10)
өте сирек (<1/10,000)
- жөтел
Қолдануға болмайтын жағдайлар
- белсенді затына және қосымша заттарына жоғары сезімталдық
- жүктілік және лактация кезеңі
- бауырдың ауыр жеткіліксіздігі және/немесе холестаз
Дәрілермен өзара әрекеттесуі
Гидрохлоротиазидпен, варфаринмен, дигоксинмен, ішілетін контрацептивтермен (мысалы, этинилэстрадиол/левоноргестрел), глибенкламидпен, нифедипинмен және эналаприлмен клиникалық тұрғыдан маңызды өзара әрекеттесу байқалған жоқ.
Кандесартан бауыр метаболизмі (CYP2C9) арқылы аздаған дәрежеде ғана шығарылады. Кандесартанның гипертензияға қарсы әсері, гипертензияға қарсы препараттарды тағайындаудан немесе қолдануға басқа да көрсетілімдерден тыс, артериялық қысымды төмендететін қасиеттері бар басқа дәрілік заттардың есебінен жоғарылауы мүмкін.
Ренин-ангиотензин-альдостерон жүйесіне ықпалын тигізетін басқа дәрілік заттарды қолдану тәжірибесінің негізінде, калий жинақтаушы диуретиктерді, калий үстемелерін, құрамында калий бар тұз алмастырғыштарды, немесе калий деңгейін арттыруы мүмкін басқа да дәрілік препараттарды (мысалы, гепарин) қатарластыра қолдану, қан сарысуында калий деңгейінің жоғарылауына әкеліп соғуы мүмкін.
Литийді АКФ тежегіштерімен бір мезгілде қолданғанда қан сарысуында литий концентрациясының және уыттылықтың қайтымды жоғарылауы байқалды. Осыған ұқсас әсер ангиотензин ІІ рецепторларын қолданған кезде байқалуы мүмкін, сондықтан бір мезгілде қолданған кезде қан сарысуындағы литий деңгейін мұқият бақылау керек.
Ангиотензин ІІ рецепторлары антагонистерін қабынуға қарсы стероидты емес препараттармен (ҚҚСП), мысалы, іріктелген ЦОГ-2 тежегіштерімен, ацетилсалицил қышқылымен (тәулігіне > 3 г) және іріктелмеген ҚҚСП бір мезгілде қолданған кезде гипертензияға қарсы әсері бәсеңдеуі мүмкін. Ангиотензин ІІ рецепторларын және ҚҚСП бір мезгілде қолдану бүйрек функциясының нашарлау қаупінің жоғарылауына, жедел бүйрек жеткіліксіздігіне күдіктенуді қоса есептегенде, әсіресе созылмалы бүйрек жеткіліксіздігі бар пациенттерде қан сарысуындағы калий деңгейінің артуына әкеліп соғуы мүмкін. Біріктірілімді әсіресе егде жастағы пациенттерге абайлап тағайындаған жөн. Пациенттер судың мол мөлшерін ішуі тиіс және қатарласатын емді бастағаннан кейін және әрі қарай мезгіл-мезгіл бүйрек функциясына бақылау жүргізген жөн. Кандесартанның биожетімділігі тамақ ішуге байланысты емес.
Клиникалық сынақтардың деректері АӨФ тежегіштерін және ангиотензин II рецепторларының блокаторларын немесе алискиренді бір мезгілде қолдану жолымен ренин-ангиотензин-альдостерон жүйесінің (РААЖ) қосарлы блокадасы гипотония, гиперкалиемия, бүйрек функциясының азаюы сияқты (жедел бүйрек жеткіліксіздігін қоса) жағымсыз әсерлер жиілігінің жоғарылауымен байланысты екенін көрсетті.
Айрықша нұсқаулар
Ренин-ангиотензин-альдостерон жүйесінің (РААЖ) қосарлы блокадасы:
АӨФ тежегіштерін, ангиотензин II рецепторларының блокаторларын немесе алискиренді бір мезгілде қолдану гипотензия, гиперкалиемия жәнебүйрек функциясының азаю (жедел бүйрек жеткіліксіздігін қоса) қаупін арттыратыны туралы деректер бар. Сондықтан, АӨФ тежегіштерін, ангиотензин II рецепторларының блокаторларын немесе алискиренді біріктіріп қолдану жолымен РААЖ қосарлы блокадасы ұсынылмайды.
Егер қосарлы блокада емі аса қажет болып табылса, оны арнайы қадағалаумен және бүйрек функциясын, электролиттер деңгейін және артериялық қысымды жиі мұқият мониторингтеу арқылы жүргізу керек.
АӨФ тежегіштерін және ангиотензин II рецепторларының блокаторларын диабеттік нефропатиясы бар пациенттерге бір мезгілде қолдануға болмайды.
Бүйрек жеткіліксіхздігі /бүйрек трансплантациясы
Ренин-ангиотензин-альдостерон тежегіштерінің басқа агенттері сияқты, Кандекорға сезімтал пациенттерде бүйрек функциясында өзгерулер байқалуы мүмкін. Артериялық гипертензиясы және бүйрек жеткіліксіздігі бар пациенттерді Кандекормен емдеген кезде қан сарысуында калий деңгейін және креатинин деңгейін мезгіл-мезгіл бақылап отыру керек. Бүйректің өте ауыр немесе терминальді жеткіліксіздігі сатысындағы (креатинин клиренсі <15 мл/мин) пациенттерде қолдану тәжірибесі шектеулі. Мұндай науқастарда Кандекор® дозасын мұқият титрлеген және артериялық қысымға мониторинг жүргізген жөн.
Жүрек жеткіліксіздігі бар пациенттерге талдама жасауға бүйрек функциясына, әсіресе 75 жастағы немесе одан үлкен егде жастағы пациенттерде және бүйрек функциясы бұзылған пациенттерде мезгіл-мезгіл баға беру қамтылуы тиіс. Кандекор® дозасын титрлеу кезінде қан сарысуындағы креатинин және калий деңгейлеріне мониторинг жасау ұсынылады.
Созылмалы жүрек жеткіліксіздігінде АКФ тежегіштерімен қатарластыра емдеу
Жағымсыз әсерлер қаупі әсіресе бүйрек жеткіліксіздігінде және гиперкалиемияда, егер кандесартан АКФ тежегіштерімен біріктіріп қолданылса,ұлғаюы мүмкін. Осындай ем қабылдап жүрген пациенттер ұдайы мұқият бақылауда болуы тиіс.
Гемодиализ
Диализ кезінде артериялық қысым, плазма көлемінің төмендеуі және ренин-ангиотензин-альдостерон жүйесінің белсенділенуі нәтижесінде AT1-рецепторы блокадасына ерекше сезімтал болуы мүмкін. СондықтанКандекор® дозасын мұқият титрлеу және гемодиализдегі пациенттерде артериялық қысымға ұдайы мониторинг жүргізу қажет.
Бүйрек артериясының стенозы
Бүйрек артерияларының екі жақты стенозы немесе жалғыз бүйрек артериясының стенозы бар пациенттерде ренин-ангиотензин-альдостерон жүйесіне, яғни АКФ ықпал ететін басқа да дәрілік заттар қандағы мочевинаны және қан сарысуындағы креатининді арттыруы мүмкін. Осыған ұқсас әсерді ангиотензин ІІ рецепторларының антагонистерін қабылдаған кезде де күтуге болады.
Бүйрек трансплантациясы
Кандекорды бүйрегі жақында трансплантацияланған пациенттерге қолдану тәжірибесі жоқ.
Гипотензия
Жүрек жеткіліксіздігі бар пациенттерде Кандекормен емдеу кезінде гипотензия пайда болуы мүмкін. Ренин-ангиотензин-альдостерон жүйесіне әсер ететін басқа да агенттердегі сияқты, ол интраваскулярлы көлемі азайған артериялық гипертензиясы бар науқастарда, және диуретиктердің жоғары дозаларын қабылдап жүрген пациенттерде пайда болуы мүмкін. Емдеуді бастаған кезде және гиповолемияны түзеткенде сақ болуға тырысқан жөн.
Анестезия және хирургиялық араласым
Ангиотензин ІІ антагонистерін қабылдап жүрген пациенттерде анестезия және хирургиялық араласым кезінде, ренин-ангиотензин жүйесінің блокадасы салдарынан, гипотензия пайда болуы мүмкін. Сирек жағдайларда гипотензия ауыр болуы мүмкін, бұл венаішілік енгізулерді және/немесе вазопрессорларды қолдануды қажет етеді.
Қолқаның және митральді клапан стенозы (обструктивті гипертрофиялық кардиомиопатия)
Басқа да вазодилататорлар сияқты, қолқаның және митральді клапанның гемодинамикалық тұрғыдан маңызды стенозы және обструктивті гипертрофиялық кардиомиопатиясы бар пациенттерге қолданғанда аса сақ болған жөн.
Алғашқы гиперальдостеронизм
Алғашқы гиперальдостеронизмі бар пациенттер ренин-ангиотензин-альдостерон жүйесі арқылы әсер ететін гипертензияға қарсы дәрілік препараттарға әсер бермейді. Осыған байланысты Кандекордықолдануға болмайды.
Гиперкалиемия
Ренин-ангиотензин-альдостерон жүйесіне ықпал ететін басқа дәрілік заттарды қолдану тәжірибесінің негізінде Кандекорды калий жинақтаушы диуретиктермен, калий қоспаларымен, құрамында калий бар тұз алмастырғыштармен,немесе калий деңгейін арттыруы мүмкін басқа да дәрілік заттармен (мысалы, гепарин) қатарластыра қолдану артериялық гипертензиясы бар науқастарда қан сарысуындағы калий деңгейінің артуына әкелуі мүмкін. Жүрек жеткіліксіздігі бар, Кандекор® қабылдаған пациенттерде гиперкалиемия пайда болуы мүмкін. Кандекормен емдеу кезінде жүрек жеткіліксіздігі бар пациенттерде, әсіресе оны АКФ тежегіштерімен және спиронолактон сияқты калий жинақтаушы диуретиктермен бір мезгілде қолданғанда қан сарысуындағы калий деңгейіне мезгіл-мезгіл бақылау жасау ұсынылады.
Бүйрек жеткіліксіздігі бар пациенттерді қоса, педиатриялық пациенттерде пайдалану
Кандесартан шумақтық сүзілу жылдамдығы 30 мл/мин/1,73 м2 аз болатын балаларда зерттелмеген.
Жалпы мәліметтер
Қантамырлық тонусқа және бүйрек функциясына (мысалы, жүректің ауыр жеткіліксіздігінде немесе бүйрек ауруларында, бүйрек артерияларының тарылуын қоса есептегенде) ренин-ангиотензин-альдостерон жүйесі белсенділігінің белгілі мәнінде осы жүйеге ықпал ететін басқа дәрілік заттармен, ангиотензин ІІ рецепторлары антагонистерін қоса есептегенде, емдеу жедел гипотензиямен, азотемиямен, олигуриямен және кейде жедел бүйрек жеткіліксіздігімен астасты. Гипертензияға қарсы басқа да препараттармен бірге қолданған жағдайдағыдай, артериялық қысымның төмендеуі жүректің ишемиялық ауруы немесе атеросклероздық цереброваскулярлы ауруы бар пациенттерде миокард инфарктісіне немесе инсультқа әкеп соғуы мүмкін.
Сирек тұқым қуалайтын галактозаның жақпаушылығы, Лапп лактазаның жеткіліксіздігінемесе глюкоза-галактоза мальабсорбциясы бар пациенттерде бұл препаратты қолдануға болмайды.
Дәрілік заттың автокөлікті және қауіптілігі зор механизмдерді басқару қабілетіне ықпал ету ерекшеліктері
Кандекордың автомобильді және қауіптілігі зор механизмдерді басқару қабілетіне ықпал етуіне зерттеулер жүргізілген жоқ. Көлікті басқарғанда немесе механизмдермен жұмыс істегенде, кейде емдеу кезінде бас айналудың немесе шаршағыштықтың пайда болуы мүмкін екенін ескерген жөн.
Артық дозалануы
Симптомдары: айқын артериялық гипотензия және бас айналу.
Емі:симптоматикалық ем және тіршілік үшін маңызды қызметтерге мониторинг жүргізу. Пациентті, аяғын сәл көтеріңкіреп, шалқасынан жатқызған жөн.Егер бұл жеткіліксіз болса, плазма көлемін инфузиялық жүйені, мысалы, изотониялық тұз ерітіндісін енгізу арқылы арттырған жөн. Егер жоғарыда аталған шаралар жеткіліксіз болса, симпатомиметикалық дәрілік препараттарды енгізуге болады. Кандесартан гемодиализ көмегімен шығарылмайды.
Шығарылу түрі және қаптамасы
Поливинилхлоридті/поливинилдихлоридті үлбірден және алюминий фольгадан жасалған пішінді ұяшықты қаптамаға 14 таблеткадан салынады.
Пішінді ұяшықты 2 қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші/Қаптаушы
КРКА, д.д., Ново место, Словения
Шмарьешка цеста 6, 8501 Ново место, Словения
Тіркеу куәлігінің ұстаушысы
КРКА, д.д., Ново место, Словения
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымныңатауы, мекенжайы және байланыс деректері
«КРКА Қазақстан» ЖШС, ҚР, 050059, Алматы қ-сы, әл-Фараби д-лы 19, корпус 1б, 2-ші қабат, 207-кеңсе
тел.: +7 (727) 311 08 09факс: +7 (727) 311 08 12info.kz@krka.biz
