Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Гептрал 500 мг № 20 табл

14689
Қолжетімділігі
Сатылымда бар
Үлгі
8002660014207
Елі
Италия
Өндіруші
Аббви С.р.л.
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

ГЕПТРАЛ®

Саудалық атауы

Гептрал®

Халықаралық патенттелмеген атауы

Адеметионин

Дәрілік түрі

Вена ішіне және бұлшықет ішіне енгізу үшінерітінді дайындауға арналған500 мг лиофилизацияланған ұнтақ 5 мл еріткішімен жиынтықта

Құрамы

Бір құтының ішінде

белсенді зат - 949 мг адеметионин 1,4-бутандисульфонаты (500 мг катион адеметионинге баламалы)

қосымша заттар: инъекцияға арналған су, азот.

Еріткіші бар бір ампуланың ішінде

белсенді заттар: 428.0 мг L-лизин,

14.4 мг натрий гидроксиді,

қосымша зат – инъекцияға арналған су.

Сипаттамасы

Лиофилизацияланған ұнтақ

Бөгде бөлшектерден тазартылған, ақтан сәл сарғыш түске дейінгі лиофилизацияланған жентек.

Еріткіш

Механикалық қоспалардан бос, түссізден ақшыл-сары түске дейінгі мөлдір сұйықтық.

Қалпына келтірілген ерітінді – көрінетін шөгіндісіз, түссізден сары түске дейінгі мөлдір ерітінді.

Фармакотерапиялық тобы

Ас қорыту жолы және зат алмасу. АІЖ ауруларын және зат алмасу бұзылуын емдеуге арналған басқа да препараттар. Амин қышқылдары және олардың туындылары. Адеметионин.

АТХ коды А16АА02

Фармакологиялық қасиеттері

Фармакокинетикасы

Сіңірілуі

Адамда вена ішіне енгізгеннен кейін адеметиониннің фармакокинетикалық бейіні тіндерге таралу фазасының шапшаңдығымен және жартылай шығарылу кезеңі 1,5 сағатқа жуық клиренсімен қос фазалы болып табылады. Бұлшықетішілік енгізген кездегі сіңуі – 96%, ең жоғары плазмалық концентрациясына қолданылғаннан кейін 45 минуттан соң жетеді. Адеметиониннің ішекте еритін таблеткаларын 400-ден 1000 мг дейінгі дозада бір рет қабылдаудан кейін жететін ең жоғары плазмалық концентрациялары дозаға тәуелді болып табылады және 3-5 сағаттан кейін 0.5 – 1 мг/л құрайды. Егер адеметионин ашқарынға қолданылса, ішу арқылы қолданғаннан кейінгі биожетімділігі жоғарылайды. Плазмалық концентрациялары 24 сағат ішінде бастапқы мәндеріне төмендейді.

Таралуы

Адеметиониннің 100 мг және 500 мг дозасы үшін таралу көлемі, тиісінше, 0.41 және 0.44 л/кг құрайды. Қан сарысуы ақуыздарымен байланысуы мардымсыз және ≤ 5 % құрайды.

Метаболизмі

Адеметионин метаболизмінің үрдісі циклдік болып табылады және адеметионин циклі деп аталады. Осы циклдің алғашқы сатысында адеметионин-тәуелді метилаза адеметионинді S-аденозил-гомоцистеин өндіру үшін субстрат ретінде қолданады, ол осыдан кейін S-аденозил-гомоцистеин-гидралазаның көмегімен гомоцистеинге және аденозинге гидролизденеді. Гомоцистеин өз кезегінде 5-метилтетрагидрофолаттан метил тобын тасымалдау арқылы метионинге дейін кері трансформацияға ұшырайды. Ақырғы нәтижесінде метионин адеметионинге қайта айналып, циклді аяқтауы мүмкін.

Шығарылуы

Қалыпты мөлшерде бүйрекпен шығарылуы 48 сағаттан кейін 15,5 ± 1,5%, нәжіспен шығарылуы 72 сағаттан кейін – 23,5±3,5 % құраған.

Фармакодинамикасы

Гептрал® (белсенді заты - S-аденозил-L-метионин (адеметионин)) – шығу тегі табиғи амин қышқылы, ол организмнің барлық тіндері мен сұйық орталарында болады. Гептрал® (адеметионин) трансметилденудің көптеген реакцияларында көбіне коэнзим және метил тобының доноры ретінде әсер етеді. Адеметиониннің метил тобын тасымалдау (трансметилдеу) жасушалардың фосфолипидтік жарғақшасын құрудың негізі болып табылады және жарғақшаның тұрақсыздығында рөл атқарады.

Гептрал® (адеметионин) гематоэнцефалдық бөгет арқылы өтуге қабілетті. Гептрал® препаратының (адеметиониннің) жоғары концентрациялары катехоламиндердің (допаминнің, адреналиннің, норадреналиннің), индоламиндердің (серотониннің, мелатониннің) және гистаминнің метаболизмдеріне ықпал етуінің арқасында ми тіндерінде өте маңызды болып табылатын трансметилдену үдерісіне ықпалын тигізеді.

Гептрал® (адеметионин) сондай-ақ транссульфирлену реакцияларында

биохимиялық тиолды қосылыстардың (цистеиннің, тауриннің, глютатионның, А коэнзимнің және т.б.) ізашары болып табылады. Глютатион, күшті антиоксидант, бауырды уытсыздандыруда маңызды компонент болып табылады. Гептрал® генезі алкогольдік те, сондай-ақ алкогольдік емес те бауыр зақымдануы бар пациенттерде глютатион деңгейін арттырады. Фолий қышқылы және В12 дәрумені Гептрал® (адеметионин) метаболизмінде және жиналуында эссенциальді ко-нутриенттер болып табылады.

Бауырішілік холестаз

Препарат бауыр ауруларында, жүктілік кезінде және басқа да созылмалы бауыр ауруларында бауырішілік холестазды емдегенде тиімді.

Бауырішілік холестаз бауырдың созылмалы ауруларының асқынуы және бауыр жасушаларының зақымдануына себеп болып табылады.

Бауырдың созылмалы ауруларында, мысалы, клиренс және өт қышқылдарының өндірілуін реттеу сияқты гепатоциттер функциясы бұзылады, ол бауырішілік холестаздың дамуына әкеледі.

Адеметионинді қолдану бауырішілік холестазбен жиі қатар жүретін бауырдың созылмалы аурулары: алғашқы билиарлы цирроз, бауырдың дәрімен индукцияланған зақымдануы, вирустық гепатиттер; парентеральді түрде тамақтанумен индукцияланған холестаз, бауырдың алкогольдік зақымданған ауруы және бауырдың алкогольдік емес майлы ауруы бар пациенттерде зерттелді.

Қолданылуы

- цирроз алдылық және цирроздық жағдайлар кезіндегі бауырішілік холестаз

- жүктілік кезіндегі бауырішілік холестаз

Қолдану тәсілі және дозалары

Емдеу препаратты парентеральді (вена ішіне баяу немесе бұлшықет ішіне) енгізуден басталып, кейін препаратты таблетка түріндегі қолдануға ұласуы мүмкін немесе бірден таблетканы қолдандан басталады.

Таблетканы шайнамай, тұтастай жұтқан жөн. Белсенді заттың өте жақсы сіңуі және емдік әсері толық болуы үшін таблеткаларды ас қабылдаулар арасында қабылдаған жөн. Гептрал® таблеткасын блистерден тура ас қабылдар алдында шығарған жөн. Таблетканың түсі бастапқысынан ақтан сарғышқа дейін өзгерген жағдайда (блистердің алюминий қабығының зақымдануы салдарынан), оларды қолданудан бас тарту қажет.

Вена ішіне немесе бұлшықет ішіне қолдануға арналған лиофилизацияланған ұнтақты тікелей қолданар алдында арнайы еріткіште ерітеді. Пайдаланылмаған қалдығын тастау керек. Вена ішіне енгізу үшін Гептралдың қажетті дозасын одан әрі 250 мл физиологиялық ерітіндіде немесе 5 % декстроза (глюкоза) ерітіндісінде сұйылту жәнеинфузияны баяу 1-2 сағат бойы жүргізу керек.

Гептралды® сілтілі ерітінділермен немесе құрамында кальций иондары бар ерітінділермен араластыруға болмайды. Ұнтақты оның бастапқы ақ түстен сарғыш түске (құтының зақымдануы немесе қыздыру салдарынан) дейін өзгерген жағдайында қолдануға болмайды.

Ересектерге

Бастапқы ем

Вена ішіне немесе бұлшықет ішіне енгізу: ұсынылатын доза вена ішіне немесе бұлшықет ішіне тәулігіне 5-12 мг/кг құрайды. Әдеттегі бастапқы доза вена ішіне немесе бұлшықет ішіне тәулігіне 500 мг құрайды, жалпы тәуліктік доза 1000 мг аспауы тиіс. Бастапқы ем ұзақтығы – 14 күн.

Таблетка түріндегі Гептралмен (пероральді қабылдау) бастапқы емді жүргізгенде: ұсынылған доза тәулігіне 10-25 мг/кг құрайды.Әдеттегі бастапқы доза тәулігіне 500-1000 мг құрайды. Тәуліктік доза 1500 мг аспауы тиіс.

Демеуші ем:

Пероральді: тәулігіне 500-1500 мг/тәулігіне дозада.

Балалар

Балаларда адеметионинді қолдану тиімділігі мен қауіпсіздігі анықталмаған.

Егде жастағы пациенттер.

Емдеуді бауыр, бүйрек немесе жүрек функциясының төмендеуін, қатар жүретін патологиялық жағдайдың болуын және басқа да дәрілік заттардың қолданылуын ескере отырып, өте төмен ұсынылған дозадан бастау ұсынылады.

Бүйрек жеткіліксіздігі бар пациенттерде қолданылуы

Мұндай пациенттерде адеметионинді қолданғанда сақ болу ұсынылады.

Бауыр жеткіліксіздігі бар пациенттерде қолданылуы

Фармакокинетикалық параметрлері қалыпты және бауыр жеткіліксіздігі бар науқастарда бірдей.

Жағымсыз әсерлері

Клиникалық зерттеулердің жағымсыз әсерлері

Жиі (≥1/100, <1/10)

- жүрек айнуы, іш ауыруы, диарея

- бас ауыруы

- үрейлену, ұйқысыздық

- терінің қышынуы

- астения

Жиі емес (≥ 1/1000, <1/100)

- ауыздың құрғауы, диспепсия, метеоризм, асқазан-ішек ауыруы, асқазан-ішек қан кетулері, асқазан-ішектік бұзылулар, құсу

- ісіну, қызба, қалтырау, инъекция орнының реакциялары, енгізу орнының некрозы

- аса жоғары сезімталдық, анафилактоидты реакциялар немесе анафилаксиялық реакциялар (мысалы, тері жабынының гиперемиясы, ентігу, бронх түйілуі, арқаның ауыруы, кеудедегі жайсыздық сезімі, артериялық қысымның өзгерістері (гипотония, гипертония) немесе тамыр соғысы жиілігінің өзгерісі (тахикардия, брадикардия))

- несеп шығару жолдарының инфекциялары

- артралгиялар, бұлшықет құрысулары

- бас айналуы, парестезиялар, дисгевзия

- қозу, сананың шатасуы

- көмей ісінуі

- қатты тершеңдік, ангионевроздық ісіну, тері-аллергиялық реакциялар (мысалы, бөртпе, терінің қышынуы, есекжем, эритема)

- «қан кернеулері», гипотензия, флебит

- эзофагит

Сирек (≥ 1/10000, <1/1000)

- іштің кебуі, эзофагит

- дімкәстану

Белгісіз (бар деректер бойынша жиілікті бағалау мүмкін емес)

- бауыр циррозы

- тұмауға ұқсас симптомдар

- жүрек-қантамыр бұзылулары

Қолдануға болмайтын жағдайлар

- препараттың қандай да бір компонентіне жоғары сезімталдық

- метиониннің метаболизміне ықпалын тигізетін генетикалық бұзылуы және/немесе гомоцистинуриясы және/немесе гипергомоцистеинемиясы бар (мысалы, цистатион бета-синтетаза ферменті тапшылығы, В12 дәрумені метаболизмінің бұзылуы бар) пациенттер

Дәрілермен өзара әрекеттесуі

Адеметионин мен кломипраминді қолданған пациентте серотонинді синдромның дамығаны жөнінде мәлімдемелер болды. Гептрал® препаратын серотонинді кері қармайтын селективті тежегіштермен, трициклді антидепрессанттармен (мысалы, кломипрамин сияқты), құрамында триптофан бар препараттармен және өсімдік тектес дәрілерімен бір мезгілде қолданғанда сақ болған жөн.

Айрықша нұсқаулар

Вена ішіне және бұлшықет ішіне енгізу үшін ерітінді дайындауға арналған еріткішпен жиынтықтағы 500 мг лиофилизацияланған ұнтақ түріндегі Гептрал® дозасының құрамында 1 ммоль (23 мг) аз натрийболады, яғни іс жүзінде натрийден бос.

Вена ішіне енгізу өте баяу жүргізіледі.

В12 дәруменінің және фолий қышқылының тапшылығы адеметиониндеңгейінің төмендеуіне әкелуі мүмкін, қауіп тобындағы пациенттерге (анемия, бауыр аурулары, жүктілік, басқа аурулармен немесе диетамен байланысты дәрумендер жеткіліксіздігі ықтималдығы бар, мысалывегетериандарда) плазмадағы дәрумендер мөлшерін бағалау үшін стандартты қан талдауларын жүргізу керек. Егер жеткіліксіздік анықталса,емдеу басталғанға дейін B12 дәруменін және/немесе фолий қышқылын қабылдау немесе адеметионинмен бір мезгілде қабылдау ұсынылады.

Кейбір пациенттерде адеметионинмен емде бас айналуы туындауы мүмкін. Көрсетілген қызмет түрлерінде жылдамдық реакцияларына әсер етуі мүмкін симптомдар толық жойылғанға дейін көлік құралдарын басқаруға немесе басқа механизмдермен жұмыс істеуге болмайды.

Гептрал® препаратын биполярлы психозы бар пациенттерге қолдану ұсынылмайды. Адеметионинмен емдеген кезде депрессияның гипоманияға немесе манияға ауысқаны жөнінде мәлімдемелер алынды.

Пациенттерге, егер Гептралмен емдеу кезінде ауру (депрессия) симптомдары жоғалмаса немесе жағдай нашарлай бастаса, дәрігерге хабарлау қажеттігін ескерткен жөн. Депрессияға шалдыққан пациенттер емдеу тиімділігін бақылау мақсатында адеметионмен емделген кезде мұқият бақылауды және ұдайы психиатриялық жәрдемді қажет етеді.

Гептралмен (адеметионинмен) ем қабылдаған пациенттердетранзиторлы немесе күшейе түсетін үрейлену жөнінде мәлімдемелер алынған. Көптеген жағдайларда емдеуді тоқтату қажет етілген жоқ. Кейбір жағдайларда дозаны азайтқаннан кейін немесе емдеуді тоқтатқаннан кейін үрейлену тоқталды.

Адеметионин гомоцистеинді анықтауға арналған иммунологиялық тесттермен өзара әрекеттеседі, ол Гептралмен (адеметионинмен) ем қабылдап жүрген пациенттердің қан плазмасында гомоцистеин деңгейінің жалған жоғарылауына әкеп соқтыруы мүмкін. Пациенттердің осы санаттарында қан плазмасында гомоцистеин деңгейін анықтаудың иммунологиялық емес әдістерін пайдалану керек.

Бауыр жеткіліксіздігі

Дозаны түзетуді қажет етпейді. Гипераммониемиясы бар пациенттерде аммиактың деңгейін бақылаған жөн.

Бүйрек жеткіліксіздігі

Гептрал® препаратын абайлап қолдану керек.

Педиатрияда қолданылуы

Гептралды (адеметионинді) 18 жасқа дейінгі балаларға қолданудың қауіпсіздігі және тиімділігі анықталған жоқ.

Жүктілік және лактация кезеңі

Гептралды жүктіліктің І триместрінде тек өте қажет болған жағдайларда ғана қолданады.

Лактация кезеңінде Гептрал®, егер оны қолданудың пайдасы нәресте үшін қауіптен басым болса ғана, қолданылады.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Бас айналуы пайда болуы ықтимал. Көлік құралдарын басқаруды немесе басқа да механизмдермен жұмыс жасауды симптомдар толық жоғалғанша тоқтата тұрған жөн, олар аталған қызмет түрлерінде реакция шапшаңдығына ықпалын тигізуі мүмкін.

Артық дозалануы

Симптомдары - жағымсыз әсерлерінің күшеюі.

Емі организмнің өмірлік маңызды функцияларын және науқастың клиникалық жағдайын бақылау аясындағы жалпы демеуші ем.

Шығарылу түрі және қаптамасы

Препарат пластмасса қақпақшалары бар алюминий қалпақшалармен қаусырылып, резеңке тығындармен тығындалған шыны құтыларға салынады.5 мл еріткіш гидролитикалық шыныдан жасалған ампулаларға құйылады. Құты мен ампулаға өздігінен желімденетін заттаңба жапсырылады.

Препараты бар 5 құты және еріткіші бар 5 ампула поливинилхлоридті үлбірден және алюминий фольгадан жасалған пішінді ұяшықты қаптамаға (аралық қаптама) салынған.

1 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге Abbott компаниясы логотипінің голографиялық бейнесі түсірілген картон қорапшаға салынады.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Екінші қаптамадағы (жинақтың картон қорапшасында) дәрілік препараттың өндірілген күні ұнтақтың өндірілген күніне сәйкес болады. Препараттың жарамдылық мерзімі жарамдылық мерзімі ерте аяқталатын компонентке (лиофилизацияланған ұнтақ немесе еріткіш) қатысты анықталады.

Дәріханалардан босатылу шарттары

Рецепт арқылы

Өндіруші

Байолоджиси Италия Лабораториз С.р.л., Италия

Via Filippo Serpero – 20060 Masate (MI)

Тіркеу куәлігінің ұстаушысы

Абботт Лабораториз ГмбХ, Ганновер, Германия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Абботт Қазақстан» ЖШС

050060 Қазақстан Республикасы, Алматы қ.,

Ходжанов көшесі 92, офис 90

тел.: +7 7272447544, +7 7272447644,

e-mail: pv.kazakhstan@abbott.com

Дәріханалар

Тауар артығымен бар
Тауар аз қалды
Аптека №67
ул. М.Утемисова, дом № 128, н.п. 2
10:00-21:00
Аптека №116
г.Атырау, пр. Султан Бейбарыс 41А
09:00-23:00
Аптека №307
л. Курмангазы 11. Торг. Дом " МЕЧТА"
9:00-21:00